ހޯމްލޭންޑް ސެކިއުރިޓީ މިނިސްޓްރީގެ ސްޓޭޓް މިނިސްޓަރު ޔޫސުފް އަބްދުލްގަފޫރު (ޔޫސޭ) މަގާމުން ވަކިކޮށްފިއެވެ.

މިކަމުގެ ތަފްސީލް ހޯދާލުމަށް "ހަތާވީސް" އިން ރައީސް އޮފީހުގެ ތަރުޖަމާން ހީނާ ވަލީދަށް މެސެޖު ކުރުމުން ވަކި ޖަވާބެއް ނުދެއްވައެވެ. ނަމަވެސް ޔޫސޭ އެ މަގާމުން ވަކިކުރިކަން މި ނޫހަށް ވަނީ ކަށަވަރުވެފައެވެ.

ޔޫސޭ މަގާމުން ވަކިކުރެއްވި ސީދާ ސަބަބެއް ނޭނގެއެވެ. 17ވަނަ މަޖިލީހުގައި ޔޫސޭ ވަނީ ގަމު ދާއިރާގެ މެންބަރުކަން ވެސް ކުރައްވާފައެވެ.

މީގެއިތުރުން އޭނާ ވަނީ ކުރީގެ ރައީސް ޔާމީންގެ ވެރިކަމުގައި ވެސް ހޯމް މިނިސްޓްރީގެ ސްޓޭޓް މިނިސްޓަރުގެ މަގާމުވެސް އަދާ ކުރައްވާފައެވެ.