ލޮނުޒިޔާރަތް މަގުން ސައިކަލެއްގައި ދިޔަ އަންހެނެއްގެ އަތުން ވޮލެޓަކާއި މޯބައިލް ފޯނެއް ފޭރުނު މައްސަލާގައި މީހަކު ހައްޔަރު ކޮށްފިއެވެ.

ފުލުހުން ބުނީ ސެޕްޓެންބަރު 11 ވަނަދުވަހުގެ ހެނދުނުގެ ވަގުތެއްގައި އަންހެނެއްގެ އަތުން ފޭރުނު މައްސަލާގައި ރ. އަލިފުށި / ހަބީބީހެޕް، އިސްމާއިލް ސާއިފް ކޯޓު އަމުރެއްގެ ދަށުން ހައްޔަރުކޮށްފައިވާ ކަމަށެވެ.

އަންހެން މީހާގެ އަތުން އޭނާ ފޭރިފައި ވަނީ ސައިކަލެއްގައި ދަމުން ކަމަށް ފުލުހުން ބުންޏެވެ. އެ ސައިކަލަކީ ވެސް ވަގަށް ނަގާފައިވާ ސައިކަލެއްކަން އެނގިފައިވާ ކަމަށް ފުލުހުން ބުންޏެވެ. އޭނާ ފޭރުނު ވޮލެޓާއި ފޯނު ފުލުހުން ހޯދާފައިވާއިރު ސާއިފް ދުއްވި ސައިކަލު ވެސް ފުލުހުންގެ ބެލުމުގެ ދަށަށް ގެނެސްފައެވެ.

އެ މައްސަލަ ފުލުހުން ގެންދަނީ މިހާރު ތަހުގީގު ކުރަމުންނެވެ.

ގެއަކުން ކަރަންޓު ބުރުމާތަކަކާއި މުށިކަފާ މެޝިނެއް ވަގަށް ނެގި ކަމަށް ތުހުމަތުކުރާ މީހާ ---

މީގެއިތުރުން ކަރަންޓު ބުރުމާތަކަކާއި، މުށި ކަފާ މެޝިންތަކަކާއި، ލޮއިނަރުތަކެއްގެ އިތުރުން ކަރަންޓު ވައިރުކުރާ ނަރުތަކެއް ގެއަކުން ވަގަށް ނެގި މީހަކު ވެސް ވަނީ ހައްޔަރު ކޮށްފައެވެ.

އެ މައްސަލައާ ގުޅިގެން ހައްޔަރު ކޮށްފައި ވަނީ ލ. މާވަށް / ޖަމީލާމަންޒިލް އާދަމް ހުސައިން ނަމަކަށް ކިޔާ 48 އަހަރުގެ މީހެކެވެ.