ފުވައްމުލަކު ސިޓީގައި ދޯންޏަކުން ބިއްލޫރި ޝީޓުތަކެއް ބާލުވަން އުޅުނު ހަތަރު މީހަކަށް އަނިޔާވެއްޖެއެވެ.

ފުލުހުން ބުނީ އެ ހާދިސާ ހިނގާފައި ވަނީ މިއަދު ހެނދުނު 9:32 ހާއިރު ކަމަށެވެ. ބިއްލޫރި ޝީޓުތައް ބާލުވަން އުޅުމުގެ ތެރޭގައި އަނިޔާވެފައި ވަނީ ދެ ބިދޭސީންނާއި ދެ ދިވެހިންނަށެވެ.

ފުލުހުން ބުނީ އެ ހަތަރު މީހުންނަށް ވެސް ފުވައްމުލަކު ހޮސްޕިޓަލަށް ގެންގޮސް ފަރުވާ ދީފައިވާ ކަމަށެވެ. ލިބުނު އަނިޔާތަކުގެ ތަފްސީލެއް ހާމައެއް ނުކުރެއެވެ.