ބިދޭސީން ދިރިއުޅޭތަނަކަށް އިމިގްރޭޝަން އޮފިސަރުންގެ ނަމުގައި ވަދެ، ފޭރުނުކަމުގެ ތުހުމަތުގައި މީހަކު ހައްޔަރުކޮށްފިއެވެ.

އިއްޔެ ހިނގި އެ ހާދިސާއާ ގުޅިގެން ކޯޓު އަމުރެއްގެ ދަށުން ހައްޔަރުކޮށްފައި ވަނީ ގ. ބެރުގެ، މުހައްމަދު ނަވީން، 44، އެވެ. ފުލުހުން ވަނީ އޭނާގެ ވަނަވަރާ އެކު، ފޮޓޯ ވެސް އާންމުކޮށްފައެވެ.

ފުލުހުން ބުނީ ބިދޭސީން ދިރިއުޅޭ ތަނަކަށް އިމިގްރޭޝަން އޮފިސަރުންގެ ނަމުގައި ތިން މީހަކު ވަދެ ބަންގުލަދޭޝް މީހެއްގެ އަތުން މޯބައިލް ފޯނަކާއި 9،000 ރުފިޔާ ފޭރިގެންފައިވާކަމުގެ މައްސަލަ ހުށަހަޅާފައިވާ ކަމަށެވެ.