ރައީސުލްޖުމްހޫރިއްޔާ ޑރ. މުހައްމަދު މުއިއްޒަށް ސޯޝަލް މީޑިއާގެ ޕްލެޓްފޯމެއްގައި މަރުގެ އިންޒާރު ދިން މައްސަލައެއް ބަލަން ފަށައިފިއެވެ.

"އަބްލޯ މިޔާދު ޔޫސުފް"ގެ ނަމުގައި ސޯޝަލް މީޑިގައި ހަރަކާތްތެރިވާ މީހަކު ރައީސަށް މަރުގެ އިންޒާރުދިން މައްސަލައެއް ސީރިއަސް މައްސަލައެއްގެ ގޮތުގައި ބަލަމުން އަންނަ ކަމަށް ފުލުހުން މިއަދު ވަނީ ބުނެފައެވެ.

އޭނާ ރައީސަށް މަރުގެ އިންޒާރު ދީފައި ވަނީ އދ. ގެ އާއްމު މަޖިލީހުގައި އެމަނިކުފާނު ތަގުރީރު ކުރައްވަމުން ގެންދަވާ ލައިވް ވީޑިއޯ އަށް ކުރި ކޮމެންޓެއްގައެވެ.

އެ މައްސަލައާ ގުޅޭ އިތުރު ތަފްސީލެއް ފުލުހުން އަދި ހާމައެއް ނުކުރެއެވެ. އަދި އެ މައްސަލާގައި މީހަކު ހައްޔަރެއްވެސް ނުކުރެއެވެ.