ހުޅުމާލެއިން ބިދޭސީއަކު ގެއްލިގެން ހޯދުމުގެ މަސައްކަތް ކުރަމުން އަންނަ ކަމަށް ފުލުހުން ބުނެފިއެވެ.

ފުލުހުން ބުނީ ހޯދަމުން ދަނީ އިންޑިއާ ރައްޔިތެއް ކަމަށްވާ އައިޑީ މޮހަމެޑް ސެހް ނަމަކަށް ކިޔާ އުމުރުން 32 އަހަރުގެ މީހެއް ކަމަށެވެ.

މޮހަމެޑް ސެޙް ވީނުވީއެއް ނޭނގި ގެއްލިފައިވާ ކަމަށް ފުލުހުންނަށް ރިޕޯޓުކޮށްފައި ވަނީ މިދިޔަ މަހުގެ 14ވަނަ ދުވަހުގެ ހަވީރުގެ ވަގުތެއްގައެވެ. އެހެންކަމުން މިއަދަށް އޭނާ ގެއްލިގެން އުޅޭތާ 18 ދުވަސް މިވަނީ ވެފައެވެ.

މޮހަމެޑް ސެޚް އާ އެއްވެސް މައުލޫމާތެއް ލިބިފައިވާނަމަ ހުޅުމާލެ ފޭސް 1 ޕޮލިސް ސްޓޭޝަންގެ ނަންބަރު 9980062 އަށް ނުވަތަ ފުލުހުންގެ ހޮޓްލައިން 3322111 އަށް ގުޅުއްވައި ހިއްސާކުރުމަށް ފުލުހުން ވަނީ އެދިފައެވެ.