ވަޔާއި ކަނޑުތައް ގަދަވާނެ ކަމަށް ލަފާކޮށް މޫސުމާ ބެހޭ ގައުމީ އިދާރާ (މެޓް) އިން ޔެލޯ އެލާޓު ނެރެފައެވެ.

އެލާޓު ނެރެފައި ވަނީ 16 އަތޮޅަކަށެވެ. އެއީ ހއ. އަތޮޅުން ފެށިގެން ލ. އަތޮޅުގެ ރަށްތަކާއި ހަމައަށެވެ. މެޓުން އެލާޓު ނެރެފައި ވަނީ މިއަދުގެ 11:00 އިން 15:00އަށެވެ.

އެވަގުތުތަކުގައި ގަޑިއަކު 25 މޭލާއި 30 މޭލާއި ދެމެދުގެ ބާރު މިނުގައި ވައިޖެހި ވިލާގަނޑުގައި ގަޑިއަކު 45 މޭލަށް ވައިގަދަވެ ކަނޑުތައް ވަރަށް ގަދަވާނެ ކަމަށް ވަނީ ލަފާކޮށްފައެވެ.

އިއްޔެ އިން ފެށިގެން ރާއްޖޭގެ އެކި ހިސާބުތަކަށް އަންނަނީ ވިއްސާރަ ކުރަމުންނެވެ. މެޓުން ބުނީ މި ހަފްތާގައި މުޅި ރާއްޖެ އަށް ވެސް މޫސުން ގޯސްވާނެ ކަމަށެވެ.