ރާއްޖޭގެ ދެވަނަ އަށް އެންމެ ބޮޑު ސިޔާސީ ޕާޓީ ޕީޕީއެމްގެ ސެނެޓު ބައްދަލުވުމެއް ދުވަސްތަކަކަށްފަހު މިއަދު ބާއްވައިފިއެވެ.

ޕީޕީއެމް އުވާލަން ނިންމާފައިވާ ކަމަށް ބުނެ އަޑުތައް ފެތުރިފައި ވަނިކޮށް އެޕާޓީގެ ސެނެޓު ބައްދަލުވުމެއް މިއަދު ބާއްވާފައި ވަނީ ސަރުކާރު ހިންގާ މައިޕާޓީ ޕީއެންސީ އޮފީހުގައެވެ.

ޕީޕީއެމް ސެނެޓުގެ ބައްދަލުވުމުގައި އެޕާޓީގެ ނާއިބު ރައީސް ކަމުގެ މަގާމަށް ފޮރިން މިނިސްޓަރު ހަލީލް ވަނީ ހަމަޖައްސައިފައެވެ. އަދި އެޕާޓީގެ ސެކްރެޓަރީ ޖެނެރަލްގެ މަގާމަށް އިބްރާހީމް އަބްދުލް ރައްޒާގު ހަލީމް ވަނީ ހަމަޖައްސައިފައެވެ.

ޕީޕީއެމް އިން ބުނީ އެ ދެބޭފުޅުން އެ މަގާމުތަކަށް ހަމަޖެއްސީ ސެނެޓުގެ އިއްތިފާގުން ކަމަށެވެ.

ޕީޕީއެމް އުވާލުމާއި ގުޅޭ މަޝްވަރާތައް ކުރިޔަށް ދިޔަތޯ ނޫސްވެރިޔަކު ޕީޕީއެމްގެ މީޑިއާ ގްރޫޕުގައި ސުވާލު ކުރުމުން އެފަދަ އެއްވެސް މަޝްވަރާއެއް ނުކުރާ ކަމަށް އެޕާޓީން ބުންޏެވެ.