ހުޅުމާލޭ ކެފޭއަކަށް ރޭ ބަޔަކު ވަދެ މާރާމާރީ ހިންގި މައްސަލައެއްގައި ހައްޔަރުކުރި މީހާ ދޫކޮށްލައިފިއެވެ.

މި މާރާމާރީއާ ގުޅިގެން ހައްޔަރުކޮށްފައިވަނީ އުމުރުން 41 އަހަރުގެ ދިވެހި ފިރިހެނެކެވެ. މިކަން ހިނގާފައި ވަނީ ހުޅުމާލޭގައި ހުންނަ ރާކަނި ކެފޭ ތެރޭގައެވެ.

މި މާރާމާރީ ހިނގާތަން ފެންނަ ސީސީޓީވީ ފުޓޭޖު ވަނީ އާއްމުވެފައެވެ.

ސީސީޓީވީ ވީޑިއޯ އިން ފެންނަނީ ދެ މީހަކު ކެފޭއެއްގެ ތެރޭގައި އިށީނދެގެން ތިއްބައި ސައިކަލެއް އައިސް ކެފޭ ކުރިމައްޗަށް މަޑުކޮށް، އޭގައި ތިބި ދެ މީހުންގެ ތެރެއިން އެކަކު ކެފޭގެ ތެރެއަށް ވަދެ، ހުސް ގޮނޑިއެއް ނަގައި، އިށީނދެގެން އިން މީހެެއްގެ ގައިގައި ޖަހާ މަންޒަރެވެ.