ރައްޔިތުންގެ މަޖިލީހުގެ މެމްބަރުން ސިޔާސީ ޕާޓީ ބަދަލުކޮށްފިނަމަ، ނުވަތަ ޕާޓީން ވަކިކޮށްފިނަމަ މެމްބަރުކަމުގެ ގޮނޑި ގެއްލޭ ގޮތަށް ގާނޫނުއަސާސީއަށް ގެނައި އިސްލާހު ބާތިލު ކުރުމަށް ސުޕްރީމް ކޯޓަށް ހުށަހެޅި މައްސަލަ އެ ކޯޓުން ބަލައިގެންފިއެވެ.
އެ މައްސަލަ ސުޕްރީމް ކޯޓަށް ހުށަހެޅީ ކެންދޫ ދާއިރާގެ ކުރީގެ މެމްބަރު އަދި ގާނޫނީ ވަކީލު އަލީ ހުސައިންއެވެ.
އޭނާ އެ މައްސަލަ ސުޕްރީމް ކޯޓަށް ހުށަހެޅީ ގާނޫނުއަސާސީގެ ފަސް މާއްދާއަކާ ހަވާލާދީ، އެ މާއްދާތަކާ ހިލާފަށް ގާނޫނުއަސާސީ ބަދަލުކުރި ކަމަށް ބުނެއެވެ.
އަލީން ހުސައިން ހަވާލާދީފައިވާ ގާނޫނުއަސާސީގެ 90 ވަނަ މާއްދާގައި ބުނެފައި ވަނީ މެމްބަރަކު މަޖިލީހުގެ ޖަލްސާއެއްގައި ދެއްކި ވާހަކައެއް ނުވަތަ ހުށަހެޅި ހުށަހެޅުމެއް އަދި ވޯޓު ދިނުމުގައި އަމަލުކުރި ގޮތެއްގެ ސަބަބުން ކޯޓަކަށް ހާޒިރުކޮށް، ނުވަތަ ތަހުގީގެއް ހިންގައި ހައްޔަރުކޮށް ބަންދެއްކޮށް ނުވަތަ އެ މީހަކަށް ދައުވާއެއްކޮށް ހަދައިގެން ނުވާނެ ކަމަށެވެ.
ގާނޫނުއަސާސީއަށް ގެނައި އިސްލާހުތައް:
- ޕާޓީ ބަދަލުކުރުމުން މަޖިލިސް މެންބަރުގެ ގޮނޑި ގެއްލޭނެ
- މަޖިލީހުގެ ރުހުމެއް ނެތި ބޭރުގެ ސިފައިންނަށް ރާއްޖޭގައި ނުތިބެވޭނެ
- ހިޔާލު ހޯދުމުގެ މާއްދާ ބަދަލުކުރެވޭނީ ވެސް ހިޔާލު ހޯދުމުގެ ވޯޓަކުން
- ރާއްޖޭގެ އީއީޒެޑަށް ބަދަލެއް ގެނެވޭނީ ހިޔާލު ހޯދުމުގެ ވޯޓަކުން
ކުޑަ ހައިމާކަކުން ކުރެންދޫ ފަޅު ފުންކުރާތީ ޔާމީން ފާޑުވިދާޅުވެއްޖެ 
އަންނަ އަހަރުގެ ބަޖެޓުން ބާކީ ހުރި ވައުދުތައް ފުއްދޭނެ: ރައީސް 
މީޑިއާ ކޮންޓްރޯލް ކޮމިޝަންގެ ރައީސަކަށް ފަރުޝަތު 
ވެލާނާ އެއާޕޯޓުން ޑޮލަރުތައް ފޭރުނު މައްސަލާގައި ބަޔަކު ހައްޔަރަށް 
ރިޒާ އިސްތިއުފާ ދެއްވުމުން، ހުސްނީ ޖޭއެސްސީގެ މެމްބަރުކަމަށް 
އައްޑޫ ބްރިޖްގެ ކޮންސަލްޓަންސީ ޗައިނާ ކުންފުންޏަކާ ހަވާލުކޮށްފި 
