ހުޅުމާލެ ފަޅުތެރެއިން މަރުވެފައި އޮތް މީހަކު މިއަދު ފެނިއްޖެއެވެ.

ފުލުހުން ބުނީ ހުޅުމާލެ ފަޔާ ސްޓޭޝަންއާ ދިމާ، ފަޅުތެރެއިން ހަބަރު ހުސްވެފައިވާ އޮތް ފިރިހެނަކު ފެނިގެން ހޮސްޕިޓަލަށް ހަވީރު ގެންދިޔަ ކަމަށާއި ހޮސްޕިޓަލަށް ގެންދިޔައިރު ވެސް އޭނާ ނިޔާވެފައިވާ ކަމަށެވެ.

އޭނާއަކީ މ. މަޑުއްވަރި، ކޮކަނަޓް ވިލާ، އިބްރާހިމް ޖިނާހް މުހައްމަދު، 36އ އެވެ.

ހުޅުމާލެ ފަޅުތެރޭގައި މަރުވެފައި އޮތް މީހާގެ ވީޑިއޯ ސޯޝަލް މީޑީއާގައި ދަނީ ދައުރުވަމުންނެވެ. އެ ވީޑިއޯއިން ފެންނަ ގޮތުން އެ މީހާ އޮތީ ހަރަކާތް ހުއްޓި، ދެފެންދޭތެރޭގައެވެ.