ދައުލަތުގެ މާލީ ނިޒާމު ހަރުދަނާ ކުރުމަށް ކުރަމަށްޓަކައި އިކޮނޮމިކް ރިފޯމް އޮފީހެއް އުފައްދައި އެ އޮފީހަށް ކޮމިޝަނަރަކު ހޯދަން އިއުލާނުކޮށްފިއެވެ.

ފިނޭންސް މިނިސްޓްރީން މިއަދު ބުނީ ކޮމިޝަނަރަކު ހޯދަނީ ދައުލަތުގެ އެކިއެކި ދާއިރާތައް ރިފޯމް ކުރުމާބެހޭ މަސައްކަތްތައް ހަލުވި ކުރުމުގެ ގޮތުން ކަމަށެވެ. ރިފޯމު ކޮމިޝަނަރުގެ މަސައްކަތްތަކުގެ ގޮތުގައި އިގުތިސޯދީ، މާލީ އަދި އެސްއޯއީތައް ރިފޯމު ކުރުން ހިމެނެއެވެ.

އެ މަގާމަށް ކުރިމަތިލުމުގެ ފުރުސަތު ހުޅުވާލާފައި ވަނީ މި މަހުގެ 8 އާ ހަމައަށެވެ.

މަގާމަށް މީގަކު ހޮވާނީ އެކައުންޓިން އަދި ފިނޭންސްގެ ދާއިރާއިން ބެޗްލާސް ޑިގްރީއެއް ނުވަތަ އެއަ ށްވުރެ މަތީ ސަނަދެއް އޮތުމާއި ދާއިރާއާ ގުޅޭ މަދުވެގެން 10 އަހަރުގެ ތަޖުރިބާ ހުރުމުގެ އިތުރުން ރިފޯމުގެ މަސައްކަތް ފަދަ ކަމެއް ހިންގުމުގެ ގާބިލުކަމަށް ބަލައިފައެވެ.