އުމުރުން 35 އަހަރުގެ މީހަކު ގަލޮޅު ގެއެއްގައި މަރުވެފައި އޮއްވާ އިއްޔެ ފެނިފައި ވަނިކޮށް، އަނެއްކާވެސް މަރުވެފައި އޮތް މީހަކު ގަލޮޅު ގެއަކުން ރޭ ފެނިއްޖެއެވެ.

މަރުވެފައި އޮއްވާ ރޭ ދަންވަރު ފެނުނީ ގ. ބިއުޓީ ވިލާ، ދާއޫދު ޖިމްރީޒް، 45އެވެ.

ފުލުހުން ބުނީ ގަލޮޅުގައި ހުންނަ ގެއެއްގައި މީހަކު ހަބަރު ހުސްވެފައި އޮތްކަމުގެ މައުލުމާތު ރޭ ދަންވަރު 1:27 އެހާކަންހާއިރު ފުލުހުން ރިޕޯޓް ލިބިފައިވާ ކަމަށާއި އެ މީހާ އައިޖީއެމްއެޗަށް ގެންދިޔައިރު ވެސް މަރުވެފައިވާ ކަމަށެވެ.

އިއްޔެ އާއި ރޭ މަރުވެފައި އޮއްވާ ފެނުނު މީހާގެ މަރާ ގުޅޭ ތަފްސީލުތަކެއް ފުލުހުން އާންމެއް ނުކުރެއެވެ.

ފުލުހުން ބުނީ މަރުގެ އެ މައްސަލަތައް ތަހުގީގު ކުރަމުންދާ ކަމަށެވެ.