ސަރުކާރުގެ އެންމެ ބޮޑު ވިޔަފާރި ކުންފުނި އެސްޓީއޯގެ ފާމަސީއެއް މާލޭގެ މާފަންނުގައި ހުޅުވައިފިއެވެ.

މާފަންނު މަޖީދީމަގުގައި ހުންނަ އެ ފާމަސީ އެސްޓީއޯ އިން ހުޅުވީ މާފަންނުގައި ގިނަ އަދަދެއްގެ ކްލިނިކްތަކެއް ހުރުމުން ބޭސް ލިބުމަށް ހުރި ދަތިތައް ހައްލު ކުރުމަށެވެ.

އެ ފާމަސީގައި ބޭހުގެ އިތުރުން ހޮސްޕިޓަލާއި ގޭގައި ބޭނުންކުރުމަށް ގެންގުޅޭ މެޑިކަލް އިކުއިޕްމަންޓާއި ހޯމްކެއާ އަދި ޕާސަނަލް ކެއާ ރޭންޖުގެ ގިނަ ޕްރޮޑަކްޓުތަކެއް ލިބެން ހުންނާނެ ކަމަށް އެސްޓީއޯ އިން ބުންޏެވެ.

ދެ ފަންގިފިލާ ހުންނަ އެ ފާމަސީގެ ދެވަނަ ފަންގިފިލާގައި މެޑިކަލް އިކުއިޕްމަންޓާއި މެޑިކަލް ކޮންޒިއުމަބަލަސް ހުންނާނެއެވެ.

މި ފާމަސީން ކޮންމެ ހަފްތާއެއްގެ ހުކުރު ދުވަސް ފިޔަވައި އެހެން ހުރިހާ ދުވަހަކު ވެސް ލިބޭނެއެވެ.