އދ. އަތޮޅު ޗުއްޓީ ހޭދަކުރަމުންދިޔަ ޓޫރިސްޓަކު މޫދަށް އެރި އުޅެނިކޮށް، ލޯންޗަކުން ޖެހި މަރުވެއްޖެއެވެ.

މަރުވެފައި ވަނީ 55 އަހަރުގެ އާޖެންޓީނާގެ ފަތުރުވެރިއެކެވެ.

ފުލުހުން ބުނީ މިއަދު ހެނދުނު 10 ޖަހާ އެހާކަންހާއިރު އދ. އަތޮޅު ރިސޯޓެއްގައި ޗުއްޓީ ހޭދަކުރަމުންދިޔަ ޓޫރިސްޓަކު ރެޑިސަން ބްލު މޯލްޑިވްސް ރިސޯޓް ބޭރު މޫދުގައި އުޅެނިކޮށް، އައިކޮމް ގްރީން ނަމަކަށް ކިޔާ ލޯންޗަކުން ޖެހި ނިޔާވެފައިވާކަމުގެ ރިޕޯޓް ލިބިފައިވާ ކަމަށެވެ.

އެ މައްސަލަ ފުލުހުން ތަހުގީގު ކުރަމުންދާ ކަމަށް ބުންޏެވެ.