ސަފާރީއަކުން ރޭ މޫދަށް ވެއްޓި ގެއްލުނު މީހާގެ ހަށިގަނޑު އެމްއެންޑީއެފްގެ ޑައިވަރުން ކަނޑުގެ އަޑިން މިއަދު ނަގައިފިއެވެ.

ނ. ނޮޅުދޫ، ސީވީޑް، އަލީ އަރުޝަދު، 35، ގެ ހަށިގަނޑު ނެގީ 69 މީޓަރު އަޑިންނެވެ.

އެމްއެންޑީއެފުން ބުނީ އދ. އަތޮޅު މިރިހި އައިލެންޑް ރިސޯޓް ކައިރީގައި އޮތް "ނޯތު 07" ސަފާރީއިން ރޭ ކަނޑަށް ވެއްޓުނު ޒުވާނާގެ ހަށިގަނޑު ހޯދައި ލޯންޗަށް ނަގާފައި ވަނީ މިއަދު 3:35 ހާއިރު ކަމަށެވެ.

ފުލުހުން ބުނީ ރޭގެ ވަގުތެއްގައި ސަފާރީ ޓެކް މަތީގައި ހުއްޓައި، ސަފާރީގެ އަރިމަތީ ތަނެއްގައި ޖެހި މޫދަށް ވެއްޓޭ މަންޒަރު ސަފާރީގެ ސީސީޓީވީ ފޫޓޭޖަށް އަރާފައިވާ ކަމަށެވެ.