އިދިކޮޅު އެމްޑީޕީން ޗާންދަނީ މަގުގައި ހިންގަމުން އަންނަ އެޕާޓީގެ ހަރުގެއަށް ކަޅުތެޔޮ ޖެހި މައްސަލަ ފުލުހުން ބަލަން ފަށައިފިއެވެ.

ފުލުހުން މިއަދު ބުނީ ރޭގެ 00:59 އެހާކަށްހާއިރު ޗާންދަނީ މަގުގައި ހުންނަ އެމްޑީޕީގެ ދަނޑިކޮށި ޖަގަހައަށް ކަޅުތެޔޮ ޖެހި މައްސަލަ ރިޕޯޓު ކޮށްފައިވާ ކަމަށެވެ.

އެމްޑީޕީގެ ހަރުގެއަށް ކަޅުތެޔޮ ޖެހުމުން ފުލުހުން އެ ސަރަހައްދުގައި ހަރަކާތްތެރިވަނީ ——

އެ މައްސަލާގައި މިހާތަނަށް އެއްވެސް މީހަކު ހައްޔަރެއް ކޮށްފައެއް ނުވެއެވެ. ނަމަވެސް އެ މައްސަލަ ފުލުހުން އަންނަނީ ތަހުގީގު ކުރަމުންނެވެ.

އެމްޑީޕީގެ ހަރުގެއަށް ކަޅުތެޔޮ ޖަހާފައިވާއިރު ވަގު ފޯމު ހުށަހަޅައިގެން ސަރުކާރު ހިންގާ ޕީއެންސީ އަށް މެންބަރުން އިތުރު ކުރާ މައްސަލާގައި އެމްޑީޕީން އަންނަނީ ޕީއެންސީ އަށް ވަރަށް ބޮޑަށް ފާޑު ކިޔަމުންނެވެ. އެގޮތުން ވަގު ފޯމުތަކުގެ ހެކިންގެ ގޮތުގައި ސޮއި ކޮށްފައިވާ ފަރާތްތަކުގެ ފޮޓޯ އިއްޔެ އެމްޑީޕީ ހަރުގޭގައި ވަނީ ހަރުކޮށްފައެވެ.