މިދިޔަ ސަރުކާރުން އިންޑިއާގެ އެހީގައި ކުރިޔަށް ގެންދިޔަ އައްޑޫ ސިޓީގެ ގުޅިފައިވާ ރަށްތަކަށް ދެވެން އޮންނަ ހަންކެޑެ ބްރިޖު އާއްމުންނަށް ހުޅުވާލައިފިއެވެ.

ހަންކެޑެ ބްރިޖު އާއްމުންނަށް ހުޅުވާލީ ރޭ 00:00ގައެވެ.

އެ މަޝްރޫއަކީ އައްޑޫ ރޯޑް އެންޑް ސްޓޯމް ވޯޓާ ޑްރެއިނޭޖް ޑިވެލޮޕްމަންޓް ޕްރޮޖެކްޓް ގެ ދަށުން ނިންމާފައިވާ މަޝްރޫއެއް ކަމަށް އެ ކޮންސްޓްރަކްޝަން މިނިސްޓްރީން ބުންޏެވެ.

ހަންކެޑެ ބްރިޖުގެ މަސައްކަތް ނިންމައި ދިވެހި ސަރުކާރާ ހަވާލު ކޮށްފައި ވަނީ މިދިޔަ އަހަރުގެ އޮގަސްޓު މަހުގެ 11ވަނަ ދުވަހުއެވެ.

ދެހާސް އެކާވީސް ވަނަ އަހަރުގެ އޮކްޓޯބަރު މަހުގެ ތެރޭގައި ފެށި ހަންކެޑެ ބްރިޖުގެ މަސައްކަތް ނިންމާފައިވާއިރު އެ ބްރިޖަކީ 1.463 ކިލޯމީޓަރުގެ ހަތަރު ލޭނު ގާއިމް ކޮށްފައިވާ ބްރިޖެކެވެ.