މ. މުލަކު މަސް ދޯންޏެއްގެ ފާހާނާއަށް ވެއްޓިފައި އޮތް މީހަކު މަރުވި މައްސަލައެއް ފުލުހުން ބަލަން ފަށައިފިއެވެ.

ފުލުހުން ބުނީ މުލަކު "ސިލްވަރީ" ނަމަކަށް ކިޔައި މަސް ދޯންޏަކުން މަހަށް ގޮސް އުޅުނު މީހަކު އެ ދޯނީގެ ފާހާނާ އަށް ހޭނެތިގެން އިއްޔެ 19:10 ހާއިރު ވެއްޓިފައިވާ ކަމަށެވެ.

އެމީހާ ރޭގެ 20:10 ހާއިރު ގއ، ވިލިނގިލި ހޮސްޕިޓަލަށް ގެންދިޔަ ކަމަށާއި އަދި އެ ހޮސްޕިޓަލުގައި ފަރުވާ ދެމުން ދަނިކޮށް މަރުވެފައިވާ ކަމަށް ފުލުހުން ބުންޏެވެ.

މަރުވެފައި ވަނީ މުލަކު / މާކޯނި، އަހްމަދު މުހައްމަދު ނަމަކަށް ކިޔާ މީހެކެވެ. ފުލުހުން ބުނީ އެ މައްސަލަ ބަލަމުން އަންނަ ކަމަށެވެ.