ކުރިޔަށް އޮތް ރަމަޟާން މަހު ސަރުކާރުން ހިލޭ ބަހާ މަސްދަޅު ކޭސް ރޭ މާލެ ސަރަހައްދުގައި ބަހަން ފެށިއިރު މިހާތަނަށް 9،000 އަށްވުރެ ގިނަ މަސްދަޅު ކޭސް ބަހައިފިއެވެ.

މިނިސްޓަރު އޮފް ސިޓީސް ލޯކަލް ގަވަރުމަންޓް ޕަބްލިކް ވޯކްސް އާދަމް ޝަރީފް އުމަރު އެކްސްގައި ކުރެެއްވި ޕޯސްޓެއްގައި ވިދާޅުވީ، ރޭ މާލޭ ސަރަހައްދުގައި 9،394 މަސްދަޅު ކޭސް ބަހާފައިވާ ކަމަށެވެ.

މާލޭ ސަރަހައްދުގައި މަސްދަޅުކޭސް ބަހަން ނިންމިފައިވާ ސަރަހައްދުތައް:

• މާލޭގައި: މިފްކޯ އޮފީސް ކޮމްޕައުންޑް އަދި ހެންވޭރު އެމްޓީސީސީ ސޯމިލް

• ވިލިމާލޭގައި: ވެމްކޯ ސައިޓް

• ހުޅުމާލެ ފޭސް-1 ގައި: އުމަރު ޒާހިރު ބިލްޑިންގ

• ހުޅުމާލެ ފޭސް-2 ގައި: ހިޔާ ފްލެޓް ޓަވަރ 10 ގެ ޔޫތު ސެންޓަރު

އެސްޓީއޯ އިން އިއްޔެ ބުނީ 1446 ވަނަ އަހަރު ރަމަޟާން މަހަށް ގޭބީސީތަކަށް ސަރުކާރުން ދެއްވާ މަސްދަޅު ކޭސް 20 ފެބްރުއަރީ 2025 ން ފެށިގެން 27 ފެބްރުއަރީ 2025 ގެ ނިޔަލަށް ބެހުމަށް ހަމަޖެހިފައިވާ ކަމަށެވެ.

މަސްދަޅު ބަހަން ފަށާ ގަޑިތައް:

• 20 ފެބްރުއަރީ 2025- 20:30 އިން 23:00 އަށް
• 21 ފެބްރުއަރީ 2025- ބަންދު
• 22 ފެބްރުއަރީ 2025- 10:00 އިން 16:00 އަށް އަދި ރޭގަނޑު 20:30 އިން 23:00 އަށް
• 23 ފެބްރުއަރީ އިން 27 ފެބްރުއަރީ 2025- 14:30 އިން 18:00 އަށް އަދި ރޭގަނޑު 20:30 އިން 23:00 އަށް