ގެއެއްގެ ފުރާޅު މައްޗަށް ވެއްޓިފައި އޮއްވާ ފެނުނު ހައްވާ ޔުމްނު ރަޝީދުގެ މައްސަލައިގެ ތަހުގީގަށް ޖުމްލަ 9 މީހެއްގެ ފޯނު ފުލުހުން ހިފަހައްޓައިފިއެވެ.

ޔުމްނު ވެއްޓުނީ މިމަހުގެ 18ވަނަ ދުވަހުއެވެ. ފުލުހުން ބުނީ އެ ހާދިސާގެ ރިޕޯޓު ފުލުހުންނަށް ލިބުނީ އެ ދުވަހު ހެނދުނު 7:30 ހާއިރު ކަމަށެވެ.

ޔުމްނު ވެއްޓުމުގެ ކުރީރޭ ޔުމްނު ހިމެނޭހެން އޭނާ އުޅުނީ ޖުމްލަ 8 މީހަކާއެކުގައެވެ. އަދި ޔުމްނު ވެއްޓުނު ހ. ފެންޓޯނިއޯ ނަމަކަށް ކިޔާ ގެއިން ކަމަށް ފުލުހުން ބުނެއެވެ.

ފުލުހުން މިއަދު ބުނީ އެ މައްސަލައާ ގުޅިގެން 9 މީހެއްގެ ފޯނު ހިފަހައްޓާފައިވާ ކަމަށެވެ. މީގެކުރިން އެ މައްސަލާގައި ހިމެނޭ މީހުންގެ ޕާސްޕޯޓު ވެސް ހިފަހައްޓާފައިވާ ކަމަށް ފުލުހުން ބުންޏެވެ.

ފުލުހުން ވަނީ އެ މައްސަލާގައި ޝާމިލުވާ އެންމެންގެ ވަނަވަރު އާއްމު ކޮށްފައެވެ.

ވަނަވަރު އާއްމުކޮށްފައިވާ މީހުން:

  • ރައުދު އަހުމަދު ޒިލާލް، ގ. އެރިޔަދޫ
  • އާއިޝަތު ލަޔާލީ އިގުބާލު، ގ. ނޯތުބްރީޒް
  • އިޒްދިޔާން މުހައްމަދު މައުމޫން، މއ. މާންދޫގެދެކުނުގެ
  • ޔޫސުފް އަހުމަދު އަކްރަމް، މއ. މާންދޫގެދެކުނުގެ
  • ޔޫސުފް ޔައްސާރު އަބްދުލްގަފޫރު، ހ. މީނާޒް
  • އައިމިނަތު ޖުނައިނާ ޖަމްޝީދު، މ. ތިލަފަޅު
  • ހުސައިން ހަމީސް އަލީ، އަލި، ނ. ވެލިދޫ
  • އިޖާޒް ޖާއިޒް، މާތޮޑާ އަވަށް، ގދ. ފަރެސްމާތޮޑާ