ހުޅުމާލެ ދެވަނަ ފިޔަވަހީގައި ހުންނަ ވިނަރެސް ތިނެއްގެ ފްލެޓުތަކުގައި މާދަމާ މަސައްކަތެއް ކުރާތީ ކަރަންޓު ކެނޑިގެން ދާނެ ކަމަށް ސްޓެލްކޯ އިން ބުނެފިއެވެ.

ސްޓެލްކޯ އިން މިރޭ ބުނީ އެ ކުންފުނިން ވިނަރެސް ތިނެއްގެ ފްލެޓުތަކުގައި ކޮންމެހެން ކުރަން ޖެހޭ މަސައްކަތެއް ކުރުމަށްޓަކައި މާދަމާ ހެނދުނު 9:00 އިން 17:00 އާއި ދެމެދު ކަރަންޓު ކެނޑިދާނެ ކަމަށެވެ.

އެކަމުގެ ސަބަބުން ދިމާވެދާނެ ދަތިތަކަށް މައާފަށް އެދޭ ކަމަށް ވެސް ސްޓެލްކޯ އިން ބުނެއެވެ.

މިފަދަ މަސައްކަތަކީ އެކުންފުނީގެ ހިދުމަތް މެދުނުކެނޑި، އެންމެ ފުރިހަމަ ގޮތުގައި ކަސްޓަމަރުންނަށް ފޯރުކޮށްދިނުމަިނުމަށްޓަކައި ކުރެވޭ މުހިންމު މަސައްކަތްތަކެއް ކަމަށް ސްޓެލްކޯ އިން ބުނެއެވެ.