މިއަހަރުގެ އެއް މިލިއަން ވަނަ ފަތުރުވެރިޔާ އަށް ރާއްޖޭން މަރުހަބާ ކިޔައިފިއެވެ.

އިންޑިގޯ އެއާލައިނުން މިއަދު ރާއްޖެ އައި ކާޖަލް ސިންގް އަކީ ރާއްޖެއަށް މިއަހަރު ޒިޔާރަތްކުރި އެއް މިލިއަން ވަނަ ފަތުރުވެރިޔާއެވެ. އޭނާ އައީ ފިރިމީހާއާއެކު ޗުއްޓީ ހޭދަ ކުރުމަށެވެ.

މިދިޔަ އަހަރު ރާއްޖެއަށް އެއް މިލިއަން ވަނަ ފަތުރުވެރިޔާ އައީ ޖޫން 27ގައެވެ.

ޓޫރިޒަމް މިނިސްޓްރީން ބުނީ މިއީ ރާއްޖޭގެ ތާރީހުގައި ވެސް މިހާ އަވަހަށް އެއް މިލިއަން ފަތުރުވެރިން ހަމަވި ފުރަތަމަ ފަހަރު ކަމަށެވެ.

އިންޑިއާ އަކީ ރާއްޖެއަށް ހަވަނަ އަށް އެންމެ ގިނަ ފަތުރުވެރިން އަންނަ ގައުމެވެ. މިހާތަނަށް އެގައުމުން 56،000 ފަތުރުވެރިން ރާއްޖެ އައިސްފައިވެއެވެ. ނަމަވެސް މި ގައުމަކީ 2023ވަނަ އަހަރު އެންމެ ގިނަ ފަތުރުވެރިން ރާއްޖެ އައިސްފައިވާ ގައުމުވެސްމެއެވެ.