ދުއިސައްތަ އަށްވުރެ ގިނަ މީހުންނާއެކު ދަތުރުކުރި އެއާ އިންޑިއާގެ މަތިންދާ ބޯޓެއް ވެއްޓިއްޖެއެވެ.

މި ބޯޓަކީ އަހްމަދުއާބާދުން ފުރައިގެން ލަންޑަނަށް ދަތުރު ކުރަމުންދިޔަ ބޯޓެކެވެ. ބޯޓު ވެއްޓުނީ އަހްމަދުއާބާދު ކައިރީގައި އޮންނަ މޭގާނީނަގަރު ކިޔާ ސަރަހައްދަކަށެވެ.

މި ބޯޓުން 242 މީހުން ދަތުރުކުރިއެވެ. އޭގެތެރޭގައި 169 އިންޑިއާގެ ރައްޔިތުންނާއި އިނގިރޭސިވިލާތުގެ 53 މީހުން ހިމެނެއެވެ. އަދި ޕޯޗުގަލްގެ ހަތް މީހުންނާއި ކެނެޑާއަށް ނިސްބަތްވާ މީހަކުވެސް ހިމެނެއެވެ.

މި ހާދިސާގައި މަރުވީ ކިތައް މީހުން ކަމެއް އަދި ސާފެއް ނުވެއެވެ.