ޑައިވިން އަށް ފޭބި ޖަޕާނު ޓޫރިސްޓަކުން ގެއްލިގެން ހޯދަން ފަށައިފިއެވެ.

ޖަޕާނަށް ނިސްބަތްވާ އުމުރުން 26 އަހަރުގެ ފިރިހެން މީހާ ގެއްލިފައި ވަނީ، މިއަދު ހެނދުނު މާފުށި ގެސްޓުހައުސްއަކުން ޓޫރިސްޓުން ގޮވައިގެން އެ ރަށް ކައިރީ އޮންނަ ކަނޑޫމާތިލަ ކައިރިއަށް ދިޔަ އުޅަނދަކުން ޑައިވިނަށް ފޭބި ފަހުންނެވެ.

އޭނަ އަޅައިގެން އޮތީ ކަޅު ކުލައިގެ ޑައިވިން ގިއަރަކާއ ހުދު ކުލައިގެ މާސްކެއް ކަމަށް އެމްއެންޑީއެފް އިން ބުންޏެވެ.

އެ ހާދިސާގެ މައުލޫމާތު އެމްއެންޑީއެފް ކޯސްޓްގާޑް، މެރިޓައިމްޓައިމް ރެސްކިޔު ކޯޑިނޭޝަން ސެންޓަރަށް ލިބުނީ މިއަދު 10:02 ހާއިރުއެވެ.

އެމްއެންޑީއެފް މާލޭ އޭރިއާ ކޮމާންޑް، ކޯސްޓްގާޑް ސެކަންޑް ސްކޮޑްރަންއިން ދަނީ ޑައިވަރުންނާ އެކު ޙާދިސާ ހިނގައިގެން އުޅޭ ސަރަޙައްދަށް ގޮސް ހޯދުމުގެ މަސައްކަތް އަންނަނީ ކުރަމުންނެވެ.