މިއަދު އުދަ އަރާފާނެ ކަމަށް މޫސުމާއި ބެހޭ ގައުމީ އިދާރާ (މެޓް) އިން ލަފާ ކޮށްފައި ވާތީ ބްރިޖާއި ހައިވޭއިން ދަތުރު ކުރާ ފަރާތްތަކުން ސަމާލުވާން އެދިއްޖެއެވެ.

މެޓުން ވަނީ މިއަދު މުޅި ރާއްޖެ އަށް އުދަ އަރާނެ ކަމަށް ލަފާކޮށްފައެވެ. އުދަ އަރާނެ ކަމަށް ލަފާ ކޮށްފައި ވަނީ މެންދުރު 13:00 އިން ހަވީރު 17:00 އަށެވެ.

އެހެންކަމުން ފުލުހުން އެކްސްގައި ކޮށްފައިވާ ޕޯސްޓެއްގައި ބުނީ އެވަގުތުތަކުގައި ބްރިޖާއި ހައިވޭ އިން ދަތުރުކުރާ ފަރާތްތަކުން ސަމާލުކަން ދިނުމަށް އިލްތިމާސް ކުރާ ކަމަށެވެ.

އަދި އެ ވަގުތުތަކުގައި ހަތަރުފުރޮޅުލީ އުޅަނދު ބޭނުން ކުރުމަށް ވެސް ވަނީ އިލްތިމާސް ކޮށްފައެވެ.