އައްޑޫ ސިޓީ ހިތަދޫގައި މަގު ހުރަސް ކުރަނިކޮށް މީހެއްގެ ގައިގާ ޖެހި އަނިޔާވެއްޖެއެވެ.

އެކަމާއި ގުޅިގެން ފުލުހުން މިރޭ ބުނީ ހިތަދޫގައި ކަފިހިހުރަސް އިން މަގު ހުރަސްކުރި މީހެއްގެ ގައިގައި ސައިކަލަކުން ޖެހި އެކްސިޑެންޓް ވެފައިވާ މައްސަލަ މިރޭ 19:24 ހާއިރު ރިޕޯޓުކޮށްފައިވާ ކަމަށެވެ.

އެ އެކްސިޑެންޓްގައި އަނިޔާވި ދެ މީހުންނަށް ފަރުވާ ދިނުމަށް އިކުއަޓޯރިއަލް ހޮސްޕިޓަލަށް ގެންގޮސްފައިވާ ކަމަށް ފުލުހުން ބުންޏެވެ.

އެހެން ނަމަވެސް އެ އެކްސިޑެންޓުގައި އެއްވެސް މީހަކަށް ސީރިއަސް އަނިޔާއެއް ނުވާ ކަމަށް ހޮސްޕިޓަލުން މައުލޫމާތު ދީފައިވާ ކަމަށް ފުލުހުން ބުނެއެވެ.