ފީނަން ފޭބި އެމެރިކާ އަށް ނިސްބަތްވާ ފަތުރުވެރިޔަކު މަރުވެއްޖެއެވެ.

އެ މައްސަލަ ފުލުހުންނަށް ރިޕޯޓު ކޮށްފައި ވަނީ މިދިޔަ އާދީއްތަ ދުވަހުގެ 12:30 އެހާކަށްހާއިރު ކަމަށް ފުލުހުން ބުންޏެވެ.

ފުލުހުން ބުނީ އެ ހާދިސާގައި މަރުވެފައި ވަނީ އުމުރުން 47 އަހަރުގެ އެމެރިކާ ފަތުރުވެރިއެއް ކަމަށެވެ. އާއްމު ގޮތެއްގައި މިފަދަ ހާދިސާތަކުގައި ފަތުރުވެރިޔާ އައިސްފައިވާ ރިސޯޓު ފުލުހުން ހާމަކުރި ނަމަވެސް މި ހާދިސާގައި އެ ރިސޯޓުގެ ނަމެއް ހާމައެއް ނުކުރެއެވެ.

ފުލުހުން ހަމައެކަނި ހާމަކުރީ އެ ހާދިސާ ހިނގީ އއ. އަތޮޅު ރިސޯޓަކުން ކަމަށް އެކަންޏެވެ.

މައްސަލަ ތަހުގީގު ކުރަމުން އަންނަ ކަމަށް ފުލުހުން ބުނެއެވެ. އެކަމަކު އިތުރު އެއްވެސް ތަފްސީލެއް ނުދެއެވެ.