ރާއްޖެ އާއި އިންޑިއާ ދެމެދު އޮތް ޑިޕްލޮމެސީގެ ގުޅުމަށްވުރެ ބޮޑަށް، ގާތް ގުޅުން ފެންނަމުންދާ ކަމަށް އިންޑިއާގެ ބޮޑުވަޒީރު ނަރެންދުރަ މޯދީ މިރޭ ވިދާޅުވެއްޖެއެވެ.

މޯދީ މިހެން ވިދާޅުވީ އެމަނިކުފާނުގެ އިސްތިގުބާލުގައި މިރޭ ބޭއްވި ފަރިއްކޮޅެއްގައި ވާހަކަފުޅު ދައްކަވަމުންނެވެ.

"ޑިޕްލޮމެސީއަށް ވުރެ ބޮޑަށް ފެންނަނީ ފެންނަނީ ގާތް ގުޅުން،" މޯދީ ވިދާޅުވިއެވެ.

މޯދީގެ ވާހަކަފުޅުގައި ދިވެހި ބަހުގައި ހިންގީ ބައެއް ބަސްތައް ހިމެނޭ ކަމަށް ފާހަގަ ކުރައްވައި އެ ބަސްތައް ވިދާޅުވިއެވެ.

އެގޮތުން "ބަގީޗާ، ހުނަރު، ޚަބަރު، ޖަޒުބާތު، ފުރުސަތު" މިފަދަ ބަސްތަކަކީ ހިންދީ ބަސްތަކެއް ކަމަށް ވިދާޅުވިއެވެ.