ކުރީގެ އެޑިއުކޭޝަން ޑިވެލޮޕްމަންޓު ހިންގި އިމާރާތުގެ ބައިތަކެއް ވެއްޓި ވެހިކަލްތަކަކަށް ގެއްލުންވެއްޖެއެވެ.

ފުލުހުން މިއަދު ބުނީ އެޑިއުކޭޝަން ޑިވެލޮޕްމަންޓް ސެންޓަރު ކުރިން ހިންގި އިމާރާތުގެ ބައިތަކެއް ވެއްޓި ޖެހިގެން ހުރި އިމާރަތަށާއި އެ އިމާރާތް ކައިރީގައި ޕާކު ކޮށްފައި ހުރި ވެހިކަލްތަކަކަށް ގެއްލުންވެފައިވާ ކަމަށެވެ.

ފުލުހުން ބުނީ އެކަމުގެ ރިޕޯޓު ލިބުނީ މިއަދު މެންދުރު 13:00ހާއިރު ކަމަށެވެ.

އަދި އެ ހާދިސާއާ ގުޅޭ މައުލޫމާތުތައް ކަމާ ގުޅުންހުރި އިދާރާތަކާއި ހިއްސާކޮށް ބަލަންޖެހޭ ކަންކަން ބަލަމުން އަންނަ ކަމަށް ފުލުހުން ބުންޏެވެ.

އެ ހާދިސާގެ ވީޑިއޯ ސޯޝަލް މީޑިއާގައި އާއްމުވެފައިވާއިރު އިމާރާތުގެ ވަރަށް ބޮޑު ބައެއް ވެއްޓިފައިވާތަން ފެނެއެވެ.