ގިނަ އަދަދެއްގެ ސިނގަރޭޓު ވަގަށް އެތެރެ ކުރަން އުޅެނިކޮށް އަތުލައިގަނެފިއެވެ.

މި ތަކެތި އަތުލައިގަނެފައިވަނީ، ކަނޑުމަގުން ރާއްޖެއަށް އެތެރެކުރަން އުޅުނު ޝިޕްމެންޓެއް އައްޑޫ ސިޓީ ހިތަދޫ ޕޯޓުން ބަލައި ފާސްކުރުމުގެ ތެރެއިން ކަމަށް މޯލްޑިވްސް ކަސްޓަމްސް އިން މައުލޫމާތުދެއެވެ.

އެ ތަކެތީގެ ޑިއުޓީއަށް ގާތްގަނޑަކަށް 15 މިލިއަން ރުފިޔާ އަރާނެ ކަމަށް ބެލެވޭ ކަމަށް ކަސްޓަމްސް އިން ބުންޏެވެ.

އަތުލައިގަތް ޝިޕްމަންޓުގައި 1،840،000 ސިނގިރެޓް ސްޓިކް ހިމެނޭ ކަމަށާއި މިއީ 92،000 ކާޓަން ސިނގިރެޓު ކަމަށް ކަސްޓަމްސް އިން ބުންޏެވެ.

ސިނގުރޭޓުން ނަގާ ޑިއުޓީ ބޮޑު ކުރުމުން ވަގަށް އެތެރެކުރާ ސިނގަރޭޓުގެ އަދަދު އަންނަނީ އިތުރުވަމުންނެވެ.