ޖުޑީޝަލް ސާވިސް ކޮމިޝަން (ޖޭއެސްސީ)ގެ ނާއިބު ރައީސްކަމުގެ މަގާމުގައި ހުންނެވި މުހައްމަދު ނިޔާޒު އެ މަގާމުން އިސްތިއުފާ ދެއްވުމުން އެ މަގާމަށް ޔަޒްމީދު މުހައްމަދު އިންތިހާބުކޮށްފިއެވެ.

ނިޔާޒު އެ މަގާމުން އިސްތިއުފާ ދެއްވީ އިއްޔެގެ ވަގުތެއްގައެވެ. އަދި ހަމަ އިއްޔެ ބޭއްވި ޖޭއެސްސީގެ ޖަލްސާއެއްގައި އެ މަގާމަށް ޔަޒްމީދު ވަނީ އިންތިހާބުކޮށްފައެވެ.

ޔަޒްމީދު ޖޭއެސްސީ އަށް އައްޔަން ކޮށްފައި ވަނީ މިދިޔަ ފެބްރުއަރީ މަހުގެ 23ވަނަ ދުވަހުއެވެ.

ޔަޒްމީދު އެ މަގާމަށް އައްޔަން ކުރެއްވީ ޖޭއެސްސީގެ މެންބަރެއްގެ ގޮތުގައި ހުންނެވި، މުހައްމަދު ސަމީރު އެ މަގާމުން ވަކި ކުރެއްވުމަށްފަހުއެވެ.