ކްރިމިނަލް ކޯޓުގެ ގާޒީ ހުސައިން ފާއިޒް ރަޝާދު މަގާމުން ވަކި ކުރުމަށް ރައްޔިތުން މަޖިލީހުގެ ޖުޑީޝަރީ ކޮމެޓީން ނިންމައިފިއެވެ.

ގާޒީ ފާއިޒުގެ މައްސަލަ މަޖިލީހަށް ފޮނުވީ ޖުޑީޝަލް ސާވިސް ކޮމިޝަން (ޖޭއެސްސީ) އިންނެވެ. ޖޭއެސްސީން އެ މައްސަލަ ފޮނުވީ މައްސަލައެއްގައި ފުލުހުންގެ ބެލުމުގެ ދަށަށް، ގެނެވުނު ފަރާތެއްގެ ބަންދާމެދު ގޮތެއް ކަނޑައެޅުމުގައި، ގާނޫނުއަސާސީ އާއި ގާނޫނުތަކާއި ހިލާފަށް ގާޒީ ފާއިޒު އަމަލު ކޮށްފައި ވާތީއެވެ.

އެހެންކަމުން މިއަދު ބޭއްވި ޖުޑީޝަރީ ކޮމެޓީގެ ބައްދަލުވުމުގައި އެ ކޮމެޓީން ވަނީ ގާޒީ ފާއިޒު މަގާމުން ވަކިކުރަން ފެންނަ ކަމަށް ނިންމާ މައްސަލަ މަޖިލީހުގެ ތަޅުމަށް ފޮނުވުމަށެވެ.