މިއަދު ކުރިޔަށްދާ ލޯކަލް ކައުންސިލްތަކާއި އަންހެނުންގެ ތަރައްގީއަށް މަސައްކަތްކުރާ ކޮމެޓީ އާއި ރައްޔިތުންގެ ހިޔާލު ހޯދުމުގެ އިންތިހާބުގައި ވޯޓުލާން އަދިވެސް ގިނަ ބަޔަކު ކިއޫގައި ތިބުމުން 70އަށްވުރެ ގިނަ ފޮށި ބަންދު ނުކުރާ ކަމަށް އިލެކްޝަންސް ކޮމިޝަނުން ބުނެފިއެވެ.

އީސީން ބުނީ ‎މިއަދު ކުރިއަށްދިޔަ ލޯކަލް ކައުންސިލްތަކާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބު އަދި ރައްޔިތުންގެ ޚިޔާލު ހޯދުމުގެ ޢާންމު ވޯޓު ހަވީރު 17:00އާ ހަމައަށް ނިމިފައިވާ ކަމަށާއި މިހާތަނަށް ބަންދުކުރެވިފައިވަނީ ޖުމްލަ 588 ފޮށީގެ ތެރެއިން 512 ފޮށި ކަމަށެވެ.

އިލެކްޝަނުން ކުރިން ދީފައި ވަނީ ހަވީރު 16:00އާ ހަމައަށެވެ. ނަމަވެސް ކިއޫގައި މީހުން ތިބުމުން އިލެކްޝަނުން ވަނީ 17:00 އަށް ބަދަލުކޮށްފައެވެ.