ރައީސް އޮފީހުގެ މިނިސްޓަރުކަމުގެ މަގާމުގައި ހުންނެވި އަލީ އާރިފް އެ މަގާމުން އިސްތިއުފާ ދެއްވަވައިފިއެވެ.

ކެލާ ދާއިރާގެ ކުރީގެ މަޖިލިސް މެންބަރުކަން ވެސް ކުރެއްވި އަލީ އާރިފް ރައީސް އޮފީހުގެ މިނިސްޓަރުގެ މަގާމުން އިސްތިއުފާ ދެއްވަވާފައި ވަނީ މިއަދުގެ ވަގުތެއްގައެވެ. އަދި އޭނާ އިސްތިއުފާ ދެއްވިކަން ރައީސް އޮފީހުގެ ތަރުޖަމާން ހީނާ ވަލީދު ވެސް ވަނީ "ހަތާވީސް" އަށް ކަށަވަރު ކޮށްދެއްވައިފައެވެ.

ރައީސް ޑރ. މުހައްމަދު މުއިއްޒާ އާއިލާ ގޮތުން ވެސް ގާތް އަލީ އާރިފް އެ މަގާމުން އިސްތިއުފާ ދެއްވަވާފައި މިވަނީ ކޮން ސަބަބަކާއި ހެދި ކަމެއް ނޭނގެއެވެ.

އޭނާ އަކީ ޕީޕީއެމް އޮތްއިރު އެޕާޓީގެ ތަރުޖަމާނުގެ މަގާމުވެސް ފުރުއްވި ބޭފުޅެކެވެ. އަދި ފަހުން ޖުމްހޫރީ ޕާޓީއަށް ސޮއިކުރައްވަވާ ގިނަ ދުވަސްތަކެއް ވަންދެން އެޕާޓީގައި އޭނާ މަސައްކަތް ކުރެއްވިއެވެ.

އަލީ އާރިފް ވަނީ ޖުމްހޫރީ ޕާޓީގެ ސެކްރެޓަރީ ޖެނެރަލްގެ މަގާމުވެސް ފުރުއްވައިފައެވެ.