ހެންވޭރުގެ ގެއެއްގެ ފަސްވަނަ ބުރިން ކުޑަ ކުއްޖަކު ވެއްޓި މަރުވެއްޖެއެވެ.

އެކަމާއި ގުޅިގެން ފުލުހުން މިއަދު ބުނީ ހެންވޭރުގެ ގެއެއްގެ ފަސްވަނަ ބުރިން ހަތަރު އަހަރުގެ ފިރިހެން ކުއްޖަކު ވެއްޓިފައިވާ ކަމުގެ މައުލޫމާތު ރޭގެ 00:20 ހާއިރު ފުލުހުންނަށް ލިބިފައިވާ ކަމަށެވެ.

އެ ކުއްޖާ އަށް ފަރުވާ ދިނުމަށް އޭޑީކޭ ހޮސްޕިޓަލަށް ގެންދެވުނު ކަމަށާއި ނަމަވެސް ފަރުވާ ދެމުން ދަނިކޮށް މަރުވެފައިވާ ކަމަށް އެ ހޮސްޕިޓަލުން ފުލުހުންނަށް މައުލޫމާތު ދީފައިވާ ކަމަށް ފުލުހުން ބުންޏެވެ.

އެ މައްސަލަ ފުލުހުން ތަހުގީގު ކުރަމުން އަންނަ ކަމަށް ވެސް ބުންޏެވެ.