ރ. މަޑުއްވަރީގައި ގޭސް ފުޅިއެއް ގޮވާ، ހިނގި ހާދިސާއެއްގައި ބިދޭސީއަކު ވަރަށް ބޮޑަށް ފިހިއްޖެއެވެ.

މި ހާދިސާގައި ފިހުނީ މަޑުއްވަރީ ސިއްހީ މަރުކަޒުގައި މަސައްކަތް ކުރަމުން އަންނަ އިންޑިއާ ނަރުހެކެވެ. އޭނާ އަށް ފަރުވާ ދެމުން މިހާރު ދަނީ އެ އަތޮޅު އުނގޫފާރު ރީޖަނަލް ހޮސްޕިޓަލުންނެވެ.

އެ ހޮސަޕިޓަލުން މި ނޫހަށް މައުލޫމާތު ދިން ގޮތުގައި އެ އަންހެން މީހާގެ ހަށިގަނޑުގެ 45 ޕަސެންޓު ވަނީ ފިހިފައެވެ. އަދި އޭނާގެ ހާލު ސީރިއަސް ކަމަށް ބުންޏެވެ.

އެ ހޮސްޕިޓަލުން ބުނީ އޭނާ އޮތީ އައިސީޔޫގައި ކަމަށެވެ. މި ހާދިސާ ހިނގަން މެދުވެރިވި ގޮތެއް އަދި ނޭނގެއެވެ.