ފުލުހެއްގެ ގައިގާ ތަޅާ އަނިޔާކޮށް، އެ ފުލުސް މީހާ ޒަހަމްކޮށްލި ކަމުގެ ތުހުމަތުގައި ހައްޔަރުކުރި މީހުންގެ ބަންދުގެ މުއްދަތު އިތުރުކޮށްފިއެވެ.

ހުޅުމާލޭގައި ހިނގި އެ ހާދިސާއާ ގުޅިގެން ހައްޔަރު ކޮށްފައި ވަނީ ހަތަރު މީހެކެވެ.

ފުލުހުން ބުނީ އެ މައްސަލާގައި ހައްޔަރުކުރި މީހުންގެ ތެރެއިން 21 އަހަރުގެ މީހާގެ ބަންދަށް 15 ދުވަސް ޖަހާފައިވާ ކަމަށެވެ. އަދި 32 އަހަރުގެ މީހާގެ ބަންދަށް 5 ދުވަސަ ޖަހާފައިވާ ކަމަށެވެ. މީގެއިތުރުން 42 އަހަރާއި 44 އަހަރުގެ މީހާގެ ބަންދަށް 7 ދުވަސް ޖަހާފައިވާ ކަމަށް ވެސް ބުންޏެވެ.

އަނިޔާވި ފުލުސް މީހާ އެވަގުތު ހުރީ އޮފް ޑިއުޓީގައި ކަމަށްވެއެވެ. އޭނާ އަށް ހަމަލާ ދީފައި ވަނީ މާލޭގެ ގޭންގަކުން ކަމަށް މައުލޫމާތު ލިބެއެވެ.