ޑައިވިން ދޯންޏެއްގެ ބުރަފަތީގައި ޖެހި މީހެއްގެ ފައި ބުރިވެއްޖެ

ޑައިވިން ދޯންޏެއްގެ ބުރަފަތީގައި ޖެހި މީހެއްގެ ފައި ބުރިވެއްޖެއެވެ.

ފުލުހުން މިއަދު ބުނީ ހުޅުމާލެއާ ދިމާ ބޭރުގައި އޮންނަ ޑައިވިން ޕޮއިންޓަކަށް ޑައިވިން އަށް ގޮސް މައްޗަށް އެރި ވަގުތު ޑައިވިން ދޯނީގެ ބުރަފަތީގައި ޖެހި މީހަކަށް އަނިޔާވެފައިވާ ކަމުގެ ރިޕޯޓެއް މިއަދު ހެނދުނު 8:30 ހާއިރު ފުލުހުންށް ލިބިފައިވާ ކަމަށެވެ.

އެ ހާދިސާގައި އަނިޔާވެފައި މީހާ އަކީ 63 އަހަރުގެ އެމެރިކާ އަށް ނިސްބަތްވާ ފަތުރުވެރިއެއް ކަމަށް ފުލުހުން ބުންޏެވެ. އެމީހާގެ ފައި އެއްކޮށް ބުރިވެފައިވާ ކަމަށާއި އެމީހާ އަށް ޓްރީ ޓޮޕް ހޮސްޕިޓަލުގައި ފަރުވާ ދެމުން އަންނަ ކަމަށްވެސް ފުލުހުން ބުންޏެވެ.