ބޮމެއް އޮތް ކަމަށް ބުނި މީހަކު ހަނިމާދޫ އެއާޕޯޓުން ހައްޔަރުކޮށްފިއެވެ.

ފުލުހުން މިއަދު ބުނީ ހަނިމާދޫ އެއާޕޯޓަށް ފުރަން ގޮސް ހުރި ދިވެހި ފިރިހެނަކު ބޮމެއް އޮތް ކަމަށް ބުނެ ބިރުދެއްކި މައްސަލާގައި އެމީހާ ހައްޔަރު ކޮށްފައިވާ ކަމަށެވެ. އަދި އެ މައްސަލަ ބަލަމުން އަންނަ ކަމަށް ވެސް ބުންޏެވެ.

ދާދިފަހުން ކުޅުދުއްފުށި ސިޓީގެ އެއާޕޯޓުން ފުރަން އުޅުނު ދިވެއްސެއްގެ އަތުން ވަޒަނެއް ފެނިގެން ވެސް ހައްޔަރުކުރިއެވެ. އެމީހާ ފަހުން އެކަމަކު ދޫކޮށްލިއެވެ.