ދިވެހި ހައްޖާޖީން އެނބުރި ރާއްޖެ އަންނަން ފަށައިފި

މިއަހަރުގެ ހައްޖުގެ އަޅުކަން އަދާ ކުރުމަށް ރާއްޖެ އިން ދިޔަ ދިވެހި ހައްޖާޖީން އެނބުރި ރާއްޖެ އަންނަން ފަށައިފިއެވެ.

މި އަހަރު ރާއްޖެ އިން ހައްޖަށް ދިޔަ ހައްޖާޖީން ފުރާފައި ވަނީ މިދިޔަ މަހުގެ 12ވަނަ ދުވަހުއެވެ.

އިސްލާމިކް މިނިސްޓްރީން މިއަދު ބުނީ ރާއްޖެ އިން ހައްޖަށް ދިޔަ ހައްޖާޖީންގެ ތެރެއިން ހައްޖުގެ އަޅުކަން އަދާ ކުރުމަށްފަހު ފުރަތަމަ ގްރޫޕް މިއަދު ރާއްޖެ އައިސްފައިވާ ކަމަށެވެ.

ސައުދީ ސަރުކާރުން މިއަހަރު ރާއްޖެ އަށް ވަނީ ކޮވިޑް19 ގެ ކުރިން ރާއްޖެ އިން މީހުން ހައްޖަށް ގެންދިއުމަށް ދެމުން ގެންދިޔަ އަދަދަށް ކޯޓާ ދީފައެވެ. އެއީ 1،000 ހައްޖު ކޯޓާއެވެ. ރާއްޖެއަށް ލިބޭ ރަސްމީ ކޯޓާ ތެރެއިން، ހައްޖު ކޯޕަރޭޝަންގެ އިތުރުން ހުއްދަ ލިބުނު ކޮންމެ ކުންފުންޏަކަށް ދީފައިވަނީ 90 (ނުވަދިހަ) ކޯޓާއެވެ.